जळगाव पोलीस कर्मचारी व कुटुंबीयांसाठी मोफत आरोग्य तपासणी व होमिओपॅथी औषध वाटप शिबिर

जळगाव – दि.१३ (धर्मसाथी मीडिया नेटवर्क) चामुंडमाता मेडिकल कॉलेज व पी. ई. तात्या पाटील हॉस्पिटल, जळगाव यांच्या संयुक्त विद्यमाने जळगाव पोलीस कर्मचारी व त्यांच्या कुटुंबीयांसाठी मोफत आरोग्य तपासणी व होमिओपॅथी औषध वाटप शिबिराचे आयोजन करण्यात आले आहे.हे शिबिर सोमवार,दि.१५ डिसेंबर २०२५ रोजी पदमांलय मल्टीपर्पज हॉल,पोलीस अधीक्षक कार्यालय परिसर,जळगाव येथे सकाळी ९.०० ते सायंकाळी ४.०० वाजेपर्यंत होणार आहे.या शिबिरामध्ये सर्वसाधारण व दीर्घकालीन आजार, स्त्रीरोग, सांधेदुखी व अस्थिरोग,नेत्र तपासणी तसेच फिजिओथेरपीसंबंधी मोफत तपासणी करण्यात येणार असून रुग्णांना आवश्यक ते मोफत होमिओपॅथी औषध वाटप करण्यात येणार आहे.या शिबिरासाठी कोणतीही पूर्व नोंदणी आवश्यक नसून, जळगाव जिल्ह्यातील सर्व पोलीस कर्मचारी व त्यांच्या कुटुंबीयांनी या मोफत आरोग्य शिबिराचा लाभ घ्यावा, असे आवाहन आयोजकांकडून करण्यात आले आहे.