शिक्षक कृतज्ञता सन्मान सोहळ्यात रावसाहेब रुपचंद विद्यालयाच्या गिरीष भावसार यांचा गौरव..

जळगाव- दि.५ (धर्मसाथी मीडिया नेटवर्क)
येथील ईस्ट खानदेश एज्युकेशन सोसायटी संचलित रावसाहेब रुपचंद विद्यालयाचे स्काऊटशिक्षक श्री. गिरीष भावसार यांचा माजी शिक्षणाधिकारी मा. श्री. निळकंठजी गायकवाड यांच्या हस्ते आज दि.५ सप्टेंबर शिक्षक दिनानिमित्त गौरव करण्यात आला.सरस्वती विद्या प्रसारक मंडळ, जळगाव यांच्या वतीने शिक्षक दिनानिनिमित्त शिक्षकांबद्दल आदर व्यक्त करून त्यांच्या शिक्षण क्षेत्रातील योगदानाबद्दल गौरव करण्यासाठी शिक्षक कृतज्ञता सन्मान सोहळा आयोजित करण्यात आला होता.कार्यक्रमास जळगाव जिल्ह्याचे जिल्हाधिकारी आयुष प्रसाद,माजी शिक्षणाधिकारी निळकंठ गायकवाड,ग.स. सोसायटीचे अध्यक्ष अजबसिंग पाटील,संचालक सुभाष देशमुख,सरस्वती विद्या प्रसारक संस्थेचे अध्यक्ष शिवाजी पाटील,नगरसेवक डॉ.चंद्रशेखर पाटील,ला.ना. विद्यालयाच्या माजी मुख्याध्यापिका श्रीमती राजकमल पाटील आदी मान्यवर उपस्थित होते.गिरीष भावसार हे रावसाहेब रुपचंद विद्यालय, जळगाव या शाळेत २९ वर्षांपासून कार्यरत असून भूगोल व मराठी विषयाचे अध्यापक आहेत.शाळेतील महात्मा गांधी स्काऊट पथक प्रमुख म्हणून ते कामं पाहतात. राष्ट्रपती स्काऊट पुरस्कार प्राप्त १२ विद्यार्थी,राज्य पूरस्कार प्राप्त २४ स्काऊट,पंतप्रधान ढाल स्पर्धा प्रथम क्रमांक,स्पर्धा परीक्षां संदर्भात मार्गदर्शनही करतात. त्यांच्या मार्गदर्शनाने आतापर्यंत अनेक विद्यार्थ्यांची शिष्यवृत्तीसाठी निवड झाली आहे.विपश्यना शिबीर,रक्तदान शिबिर,वृक्षारोपण,स्वच्छता मोहीम व शाळेतील विविध कार्यक्रमात त्यांचा सक्रिय सहभाग असतो.जनगणना,निवडणूक,मतदान केंद्रस्तरीय अधिकारी, पर्यावरण नवीन अभ्यासक्रम यासह शिक्षकांसाठी आयोजित विविध प्रशिक्षणात तज्ञ मार्गदर्शक म्हणून त्यांनी भूमिका बजावलेली आहे.या आधीही अनेक संस्थांकडून त्यांना विविध पुरस्कारांनी गौरविण्यात आले आहे. त्यांच्या या निवडीबद्दल त्यांचे विविध क्षेत्रातून अभिनंदन करण्यात येत आहे.