महायुती उमेदवारांच्या प्रचारार्थ शिंदेसेनेंचे प्रमुख एकनाथ शिंदे यांचा उद्या दि.८ रोजी जळगावात भव्य रोड शो…

जळगांव – दि. ७ (धर्मसाथी मीडिया नेटवर्क) जळगाव महापालिका निवडणूक रणधुमाळीत उद्या गुरुवारी ८ रोजी महायुती उमेदवारांच्या विजयाचा शंखनाद करण्यासाठी शिंदेसेना प्रमुख महाराष्ट्राचे लाडके उपमुख्यमंत्री एकनाथ शिंदे यांच्या भव्य रोड शो चे आयोजन दुपारी १ वाजता जळगाव शहरात करण्यात आल्याने शिवसेना शिंदेगटात व महायुती कार्यकर्त्यांमध्ये उत्साहाचे वातावरण पसरले आहे.महायुतीच्या सर्व उमेदवारांना बहुमताने विजयी करण्यासाठी शिवसेना शिंदे गटाचे प्रमुख नेतृत्व एकनाथ शिंदे यांचा भव्य रोड शो दुपारी १ वाजता प्रारंभ शिवाजी पुतळ्यापासून होणार असून चित्रा चौक मार्गे भंगाळे गोल्ड शोरूम चौक,सुभाष चौक,शास्त्री टावर चौक मार्गे जळगाव रेल्वे स्थानक येथे या भव्य रोडशोचा समारोप होईल.जिल्हाभरातील शिंदे गटाचे व महायुतीचे सर्व नेते,पदाधिकारी कार्यकर्ते या रोड शो मध्ये सहभागी होणार आहे.तरी मोठ्या संख्येने उपस्थिती देऊन सहभागी होण्याचे आवाहन शिवसेना शिंदे गट जिल्हा प्रमुख श्री विष्णूभाऊ भंगाळे यांनी केले आहे.